Որ ճակատում կպարտվի Իսրայելը․ GM

Իսրայելը կհաղթի ՀԱՄԱՍ-ին՝ Գազայի պատերազմում, սակայն կպարտվի ԱՄՆ-ին, Մեծ Բրիտանիային և Կանադային դիվանագիտական ճակատում: Նման կարծիք է հայտնել The Globe and Mail թերթը։

Ըստ պարբերականի՝ եթե ռազմական գործողություններն ավարտվեն շատ մոտ ապագայում, ապա Իսրայելը, չնայած չհասնելով ՀԱՄԱՍ-ի լիակատար ոչնչացմանը, հաղթանակ կտանի ցամաքում: «Իսրայելը պարտվելու է մեկ այլ ճակատում, որն անտեսել են Նեթանյահուն և նրա քաղաքական կոալիցիայի գործընկերները։ Տարվելով իրենց ռազմական նպատակներով՝ Նրանք նույնիսկ չեն նկատել, թե ինչպես է Իսրայելը դանդաղ վերածվում վտարանդի համաշխարհային պետության», - պնդում է թերթը։

«Գազայի սովի մասին ռեպորտաժների հրապարակումից հետո, Ֆրանսիան, Մեծ Բրիտանիան, Մալթան և Կանադան արդեն հայտարարել են Պաղեստին պետության ճանաչման ծրագրերի մասին։ ԱՄՆ նախագահ Դոնալդ Թրամփը դեռևս մնում է Նեթանյահուի դաշնակիցը, սակայն նախկին նախագահ Ջո Բայդենի օրոք գոյություն ունեցող երկկուսակցական կոնսենսուսը այլևս չկա: Նույնիսկ որոշ Հանրապետականներ արդեն երես են թեքում Իսրայելից», - նշել է թերթը։