Պաշտոնյայի առանձնատունից հայտնաբերվել են դոլարների պարկեր, զենք և թանկարժեք զարդեր

ՌԴ Դաշնային անվտանգության ծառայությունը հատուկջոկատ է գործարկել Դաղստանի նախկին պետական քարտուղար Մագոմեդ-Սուլթան Մագոմեդովի գործով։ Նրա առանձնատանը և բիզնես օբյեկտներում իրականացված խուզարկությունների արդյունքում հայտնաբերվել են մեծաքանակ դոլարներ, ավտոմատներ, թանկարժեք զարդեր և շքեղ ժամացույցների հավաքածու։

Ըստ ՖՍԲ տարածած կադրերի՝ ուժայինները ուղղաթիռով իջել են «Դագնեֆտեպրոդուկտ» և «Դագնոտեխ» ընկերությունների տարածք, որոնք անցնում են քրեական գործով։ Ընդհանուր առմամբ իրականացվել է մոտ 70 խուզարկություն։ Մագոմեդովի տանը հայտնաբերվել են դոլարներով և ռուբլով լցված պարկեր, իսկ թաքստոցներից՝ զարդերով և թանկարժեք պարագաներով լի սեյֆ։

Մագոմեդովը, ով նաև հիմնադրել է «Անժի» ֆուտբոլային ակումբը, ձերբակալվել էր հունիսի 25-ին։ Նրան մեղադրում են խարդախությամբ՝ պետությունից նավթային ակտիվների հափշտակության համար։ Հուլիսի 1-ին նա պաշտոնաթող է արվել։ Դատարանը արդեն վերադարձրել է ավելի քան 100 միլիարդ ռուբլի արժողությամբ «Դագնեֆտեպրոդուկտ» և «Դագնոտեխ» պետական սեփականություն։ Ընդհանուր առմամբ, մոտ 3 միլիարդ ռուբլի արժողությամբ գույք կալանքի տակ է դրվել։