Госуслуги-ն կդառնա հասանելի MAX հարթակում արդեն առաջիկա շաբաթներին

Ռուսաստանի պետական ծառայությունների պլատֆորմը՝  Госуслуги-ն, շուտով կդառնա հասանելի ազգային մեսենջեր MAX-ում։ Այս մասին հայտարարել է Պետդումայի տեղեկատվական քաղաքականության կոմիտեի փոխնախագահ Անտոն Գորելկին՝ նշելով, որ գործարկումը սպասվում է մի քանի շաբաթվա ընթացքում։

Գորելկին ընդգծել է, որ անհրաժեշտ բոլոր պետական հաստատումները տրվել են դեռ երկու ամիս առաջ, և այժմ ինտեգրացիան մոտենում է ավարտին։ Ըստ նրա՝  Госуслуги-ի և МАХ-ի համակցումը համապատասխանում է անվտանգության խիստ պահանջներին, ներառյալ անձնական տվյալների պաշտպանությունը և կայունությունը կիբերհարձակումների նկատմամբ։

Նա հավելել է, որ МАХ-ում կիրառվում են հակաֆրոդ տեխնոլոգիաներ, արհեստական բանականությամբ կոդի մշտական վերլուծություն և bug bounty ծրագրեր՝ կիբերանվտանգության մակարդակը բարձր պահելու համար։ Գորելկին նաև նշել է, որ ռուսական շուկայում գործող այլ մեսենջերները չունեն նման խորը անվտանգային մոտեցում՝ ակնարկելով տեղեկատվական հակազդեցության և ֆեյք լուրերի տարածման արշավի մասին։