Պեկինը կընդունի «Պատրաստված է Ռուսաստանում» փառատոնը՝ նվիրված Չինաստանի Սիրահարների օրվան

Օգոստոսի 28-30-ին Պեկինում կանցկացվի ռուսական ապրանքների փառատոն-տոնավաճառ՝ «Պատրաստված է Ռուսաստանում» խորագրով։ Միջոցառումը կազմակերպվում է Չինաստանի սիրահարների ավանդական օրվա՝ Ցիսիի կապակցությամբ և կանցկացվի Solana առևտրային համալիրում՝ Պեկինի կենտրոնական բիզնես թաղամասում։ Փառատոնը կմիավորի Ռուսաստանի 40 ընկերություն՝ 26 տարածաշրջանից։

Ներկայացվելու է ավելի քան 500 անվանումով ռուսական արտադրանք՝ սնունդ, կոսմետիկա, հուշանվերներ և ժողովրդական արվեստի նմուշներ։ Բացի ապրանքների վաճառքից, միջոցառման ընթացքում ՌԴ արտահանման կենտրոնը կազմակերպելու է ռուսական բիզնեսի B2B հանդիպումներ՝ առաջատար չինական ներմուծողների հետ։

Փառատոնի օրերին հայտնի չինացի բլոգերները կանցկացնեն ուղիղ եթերներ՝ ռուսական ապրանքները ներկայացնելով միլիոնավոր դիտողների։ Բացի այդ, Պեկինում և Շանհայում կբացվեն «Պատրաստված է Ռուսաստանում» առաջին պաշտոնական խանութները։ Տոնավաճառի մշակութային մասը ներառելու է ֆոլկ երաժշտություն, ազգային պարեր ու մշակութային ծրագրեր՝ ռուսական ապրանքները չինական շուկայում առաջմղելու նպատակով։