Ճապոնիայում մեքենայի պայթյուն է տեղի ունեցել, վիրավորվել են երկու մարդ

Ճապոնիայի Սապորո քաղաքում տեղի է ունեցել ավտոմեքենայի պայթյուն, որի հետևանքով տուժել են երկու մարդ։ Ինչպես հաղորդում է Oita Press-ը, միջադեպը տեղի է ունեցել քաղաքի դեղատներից մեկի ավտոկայանատեղիում՝ տեղական ժամանակով մոտ ժամը 13:10-ին։

Վիրավորները հոսպիտալացվել են, սակայն պայթյունի պատճառները դեռևս չեն պարզվել։ Դեպքի վերաբերյալ մանրամասներ ճշտվում են, տեղում աշխատում են փրկարարներն ու ոստիկանությունը։

Ավելի վաղ Ճապոնիայի ափերին տեղի էր ունեցել 5.6 մագնիտուդ ուժգնությամբ երկրաշարժ, որի հետևանքով երկրի որոշ շրջաններում գրանցվել էին մինչև երեք բալ ուժգնությամբ ցնցումներ։