ԱՄՆ-ի մաքսերի պատճառով Honda-ի շահույթը կտրուկ ընկել է

Ճապոնական ավտոգիգանտ Honda-ն հայտարարել է, որ 2025 թվականի երկրորդ եռամսյակում ընկերության մաքուր շահույթը նվազել է ավելի քան 50 տոկոսով՝ հասնելով 1.33 միլիարդ դոլարի։ Ընկերության հաշվետվության համաձայն՝ շահույթի կտրուկ անկումը պայմանավորված է ԱՄՆ-ի սահմանած մաքսերով և արժութային տատանումներով։

Բացի մաքուր շահույթից, ընկերության օպերացիոն շահույթն էլ նվազել է մոտ 50 տոկոսով՝ կազմելով 1.65 միլիարդ դոլար։ Honda-ն նաև հիշեցրել է, որ հունիսին ԱՄՆ-ից հետ է կանչել ավելի քան 259 հազար ավտոմեքենա՝ արգելակների դեֆեկտի պատճառով։

Ավելի վաղ ընկերության տնօրեն Տոշիհիրո Միբեն հայտնել էր, որ ԱՄՆ-ի մաքսային քաղաքականությունը բերում է լրացուցիչ 4.5 միլիարդ դոլարի վնասի և ստիպում է կրճատել ներդրումային ծրագրերը, գրում է Лента.ру-ն։