Չինական ուղևորատար ինքնաթիռը խախտել է Ռուսաստանի օդային սահմանները

China Southern Airlines ավիաընկերության Boeing 777-200 ուղևորատար ինքնաթիռը Ռուսաստանի տարածքում կարճ ժամանակով մուտք է գործել արգելված օդային գոտի։ Ինչպես գրում է Aviaincident Telegram ալիքը, միջադեպը տեղի է ունեցել օգոստոսի 2-ին՝ Նովոսիբիրսկի մոտ։

Ինքնաթիռը շարժվում էր Շանհայից Ֆրանկֆուրտ, սակայն խուսափելով ամպրոպից՝ կարճ ժամանակով թռիչք է իրականացրել UNP252 արգելված գոտում։ Նմանատիպ միջադեպ էր գրանցվել նաև հունիսին՝ Tianjin Airlines-ի մեկ այլ չինական ինքնաթիռի մասնակցությամբ Մոսկվայի մոտ։

Ռուսական կողմը դեռևս չի մեկնաբանել միջադեպը, սակայն նման խախտումները կարող են խստացնել վերահսկողությունը օտարերկրյա թռիչքների նկատմամբ։