Բրազիլիայի նախագահը հրաժարվել է զանգահարել Թրամփին

Բրազիլիայի նախագահ Լուիս Ինասիու Լուլա դա Սիլվան հրաժարվել է զանգահարել ԱՄՆ նախագահ Դոնալդ Թրամփին երկրների միջև տնտեսական տարաձայնությունները լուծելու համար, հաղորդում է ՌԻԱ Նովոստին։

Լուլա դա Սիլվան նշել է, որ չի զանգահարի Թրամփին առևտրային հարցերով, քանի որ չի ցանկանում խոսել։ Միևնույն ժամանակ, Բրազիլիայի առաջնորդը պատրաստ է «քաղաքավարություն ցուցաբերել» և զանգահարել իր ամերիկացի գործընկերոջը՝ նրան հրավիրելու ՄԱԿ-ի կլիմայի փոփոխության համաժողովին, որը տեղի կունենա Բրազիլիայում՝ նոյեմբերին։

Լուլա դա Սիլվան ընդգծել է, որ եթե Թրամփը հրաժարվի այնտեղ գնալուց, դա կլինի ԱՄՆ նախագահի որոշումը, այլ ոչ թե Բրազիլիայի կողմից դիվանագիտական ժեստի բացակայության արդյունք։