Ռուսաստանում կաշառքների թիվը աճել է․ ամենաշատը՝ գնումներում, առողջապահությունում և կրթությունում

ՌԴ ՆԳՆ տվյալներով՝ 2025 թվականին երկրում արձանագրվել է 17 հազար կոռուպցիոն հանցագործություն, իսկ կաշառքների թիվն աճել է 20 տոկոսով։ «Известия»-ն գրում է, որ ամենաշատ կաշառքները տրվում են պետական գնումների, առողջապահության, կրթության, պետական ծառայության, ոստիկանության, ֆինանսների և շինարարության ոլորտներում։

Ռուսաստանի իրավաբանների ասոցիացիայի ներկայացուցիչ Ալեքսանդրա Կորոլևան ընդգծում է, որ հատկապես «հատուկ իրավական կարգավիճակ» ունեցող անձանց շրջանում աճ է նկատվում։ Մեկ տարվա առաջին եռամսյակում կոռուպցիոն մեղադրանքով գործեր են հարուցվել 99 պատգամավորի և բարձրաստիճան պաշտոնյայի դեմ, ևս 596 անձի նկատմամբ իրականացվել է պատասխանատվության գործընթաց։

Ավելի վաղ քրեական գործ էր հարուցվել Վոլգոգրադի տրանսպորտային ոստիկանության ղեկավարներից մեկի դեմ՝ 260 հազար ռուբլի կաշառք ստանալու մեղադրանքով։