Իտալիայում կկառուցվի աշխարհի ամենաերկար կախովի կամուրջը․ AP

Իտալիան պլանավորում է կառուցել աշխարհի ամենաերկար կախովի կամուրջը, որը կկապի մայրցամաքը Սիցիլիա կղզու հետ, հաղորդում է Associated Press (AP)-ը։

Ենթակառուցվածքային նախագծի իրականացումը կարժենա 13.5 միլիարդ եվրո։

Կամրջի կառուցման որոշումը երկար ժամանակ հետաձգվեց դրա մասշտաբների, երկրաշարժերի սպառնալիքի, շրջակա միջավայրի վրա ազդեցության և մաֆիայի միջամտության հնարավորության վերաբերյալ վեճերի պատճառով։

Նախապատրաստական աշխատանքները կարող են սկսվել սեպտեմբերի վերջին կամ հոկտեմբերի սկզբին՝ Հաշվիչ պալատի հաստատումից հետո։ Շինարարությունը նախատեսվում է սկսել 2026 թվականին։