Էթովպիան հերքել է Ռուսաստանի հետ ինքնաթիռների վարձակալության բանակցությունները

Էթովպական Ethiopian Airlines ավիաընկերության ղեկավարությունը հերքել է տեղեկությունները Ռուսաստանի հետ ինքնաթիռների վարձակալության վերաբերյալ։ Այս մասին հայտնում է Addis Insight-ը՝ հղում կատարելով ընկերության գլխավոր տնօրեն Մեսֆին Տասևի հայտարարությանը։

Հրապարակման պատճառը դարձել էր Capital պարբերականի հոդվածը, որտեղ նշվում էր, թե Էթովպիան բանակցում է Ռուսաստանի հետ ինքնաթիռների լիզինգի և տեխնիկական սպասարկման պայմանագրի շուրջ։ Սակայն Ethiopian Airlines-ը պաշտոնապես հայտարարեց, որ նման բանակցություններ չեն ընթանում և որ հրապարակված տեղեկությունն անհիմն է։

Այսպիսով, Աֆրիկայի խոշորագույն ավիափոխադրողը հրաժարվել է որևէ համագործակցությունից այս ուղղությամբ։