Ֆրանսիայում մոլեգնող անտառային հրդեհները վերջին 76 տարվա ընթացքում ամենամեծն են

Անտառային հրդեհը, որը մեկ օրում ընդգրկել է 16 հազար հեկտար տարածք Ֆրանսիայի հարավում գտնվող Օդ դեպարտամենտում, վերջին 76 տարիների ընթացքում երկրում ամենամեծն է։ Այս մասին լրագրողներին հայտնել է Ֆրանսիայի ներքին գործերի նախարար Բրունո Ռետայոն, որը տարածաշրջան է ժամանել կառավարության ղեկավար Ֆրանսուա Բայրուի հետ միասին։

Հրդեհների մարմանը մասնակցում են ավելի քան 1800 հրշեջներ, ինչպես նաև երկրի բոլոր հրշեջ ինքնաթիռները, հաղորդում է AFP-ն:

«Այս հրդեհի հետևանքով 1949 թվականից ի վեր այրվել է անտառի ամենամեծ քանակը», – ասել է նախարարը, որի ելույթը հեռարձակվել է կառավարության X-ի էջում։ 1949 թվականին Ֆրանսիայի հարավ-արևմուտքում գտնվող Լանդ դը Գասկոն լեռնազանգվածում հրդեհը ոչնչացրել է 50,000 հեկտար անտառ և խլել 82 մարդու կյանք։