Apple-ը լրացուցիչ 100 միլիարդ դոլար կներդնի ԱՄՆ-ում

Apple Inc.-ը պարտավորվելու է լրացուցիչ 100 միլիարդ դոլար ներդնել ԱՄՆ-ում արտադրական հզորություններում, հաղորդում է Bloomberg-ը՝ հղում անելով Սպիտակ տան աղբյուրին։

Աղբյուրը նշել է, որ ԱՄՆ նախագահ Դոնալդ Թրամփը այդ քայլի մասին կհայտարարի չորեքշաբթի օրը։

Այս տարվա սկզբին Թրամփը սպառնացել էր Apple-ին «առնվազն 25%» սակագին սահմանել ԱՄՆ-ում վաճառվող iPhone-ների վրա, եթե դրանք արտադրվեն երկրի սահմաններից դուրս։

Այս տարվա փետրվարին ընկերությունը հայտարարեց իր մտադրության մասին՝ առաջիկա չորս տարիների ընթացքում ամերիկյան տնտեսությունում ներդնել 500 միլիարդ դոլար, այդ թվում՝ Հյուստոնում արտադրական գործարանի կառուցման մեջ։ Հաշվի առնելով նոր ծրագիրը՝ ներդրումների չափը կաճի մինչև 600 միլիարդ դոլար, նշել է աղբյուրը։