Կառավարությունը գործարան չի բացել, բայց այնպես է արել, որ Հայաստանն ալյումինե մարտկոց արտադրող և արտահանող երկրի է վերածել. Գեւորգ Պապոյան

«Կառավարությունը գործարան չի բացել, բայց այնպես է արել, որ Հայաստանը ալյումինի մետաղի ջարդոն արտահանող երկրից  վերածվել է ալյումինե մարտկոց արտադրող և արտահանող երկիր»,- կառավարության նիստում նման տեսակետ է հայտնել Էկոնոմիկայի նախարար Գևորգ Պապոյանը։

Նա տեղեկացրել է, որ այն մեծ ներդրումներ են ապահովել և շատ աշխատատեղեր ստեղծել։

Պապոյանը հիշեցրել է, որ դրան նպաստել է այն, որ յուրաքանչյուր 1 տոննա ներմուծվող մետաղական արտադրանքի համար վերջնական սահմանել Էին բազային տուրք 29 հազար դրամի չափով, քանի որ Հայաստանում տեղի է ունեցել սև և գունավոր մետաղի ջարդոնի օգտագործման աճ, ինչին նպաստել է նաև ջարդոնի արտահանման արգելքը։

«Որոշումով 6 ամիս ժամկետով շարունակվում է տուրքի կիրառումը պատրաստի մետաղական տվյալ ապրանքների ներմուծման վրա»,- ասաց էկոնոմիկայի նախարարը։

Նիստը վարող փոխվարչապետ Մհեր Գրիգորյանն էլ նկատեց, որ ներմուծվող ապրանքների գները ցածր են պահվում ներքին արտադրությունը դադարեցնելու համար, հենց ներքին արտադրություն չլինի, ներմուծողներն այդ ապրանքների գները բարձրացնում են։

Գևորգ Պապոյանը համաձայնեց Գրիգորյանի հետ և հավելեց, որ շատ երկրներում սուբսիդավորում են մետաղական արտադրանքի արտադրությունը և այդ ապրանքը իր էժանությամբ գրավում է հայկական շուկան, իսկ ՀՀ-ն բազային տուրքն այնպես է սահմանում, որ մրցունակ լինի ոչ միայն ներքին արտադրողը այլև ներմուծողը և այն էական ազդեցություն չունենա շինարարության ինքնարժեքի վրա։