Ես պատրաստ եմ․ Մոդին՝ ԱՄՆ-ի սահմանած մաքսատուրքերի մասին

Հնդկաստանի վարչապետ Նարենդրա Մոդին արձագանքել է ԱՄՆ նախագահ Դոնալդ Թրամփի՝ Նյու Դելիի վրա մաքսատուրքերը 50%-ով բարձրացնելու որոշմանը։ Այս մասին հաղորդում է Newsweek-ը։

«Գիտեմ, որ ստիպված կլինեմ բարձր գին վճարել, բայց ես պատրաստ եմ։ Հնդկաստանը պատրաստ է», - ասել է Մոդին։

Օգոստոսի 6-ին Թրամփը ստորագրել է գործադիր հրամանագիր, որով Հնդկաստանից ներմուծվող ապրանքների վրա լրացուցիչ 25% մաքսատուրք է սահմանվում։ Նրա խոսքով՝ ռուսական նավթ գնելով՝ երկիրը փաստացի ֆինանսավորում է Ռուսաստանին Ուկրաինայի հետ հակամարտության մեջ։ Այսպիսով, հնդկական ապրանքների վրա ընդհանուր մաքսատուրքը հասել է 50%-ի։

Դրանից անկախ, Նյու Դելին մտադիր է շարունակել Ռուսաստանից նավթ ներմուծել։