ԱՄԷ-ի նախագահը ժամանել է Ռուսաստան՝ Պուտինի հետ բանակցելու

Արաբական Միացյալ Էմիրությունների նախագահ Մոհամմեդ բին Զայեդ Ալ Նահյանը ժամանել է Մոսկվա՝ Ռուսաստանի նախագահ Վլադիմիր Պուտինի հետ բանակցությունների համար: Այս մասին հաղորդում է ՌԻԱ Նովոստին։

Նշվում է, որ օտարերկրացի հյուրին տեղափոխող ինքնաթիռը վայրէջք է կատարել մայրաքաղաքի «Վնուկովո» օդանավակայանում։

Նախորդ օրը Կրեմլի մամուլի ծառայությունը հայտնել էր, որ հանդիպման ընթացքում նախագահները կքննարկեն երկու երկրների միջև բազմակողմանի համագործակցությունն ու հետագա զարգացման հեռանկարները, ինչպես նաև միջազգային օրակարգի արդիական հարցերը, այդ թվում՝ Մերձավոր Արևելքում ստեղծված իրավիճակը։