Ղազախստանը հորդորում է չքաղաքականացնել AZAL-ի ինքնաթիռի վթարի հարցը

Ղազախստանի փոխվարչապետ Կանատ Բոզումբաևը հանդես է եկել կոչով՝ չքաղաքականացնել Azerbaijan Airlines-ի (AZAL) Embraer 190 ինքնաթիռի վթարի հարցը, որը տեղի էր ունեցել Ակտաուի մոտ։ Նրա խոսքով՝ միայն տեխնիկական փորձաքննությունը պետք է պարզի իրական պատճառները։

Ի դեպ, Ադրբեջանը հայտարարել է՝ պատրաստվում է դիմել միջազգային դատարաններ՝ կործանման մեջ Ռուսաստանին մեղադրելով։ Ինքնաթիռում եղել են 62 ուղևոր ու 5 անձնակազմի անդամ, որոնցից միայն 29-ն են ողջ մնացել։ Նրանց թվում՝ 9 ռուս և 11-ամյա աղջիկ։

Ադրբեջանի պաշտոնյաները պնդում են, որ վթարը տեղի է ունեցել արտաքին միջամտության արդյունքում․ ըստ ողջ մնացածների՝ նրանք ուժգին պայթյուն են լսել հենց Գռոզնիի երկնքում։ Վլադիմիր Պուտինը պաշտոնապես ներողություն էր հայտնել Իլհամ Ալիևին։ Վերջնական փորձագիտական եզրակացությունը կհրապարակվի 2025-ի ավարտին։