AZAL-ի նախկին նախագահը լքել է Ադրբեջանը՝ ունենալով 100 մլն դոլար

AZAL ավիաընկերության նախկին նախագահ Ջահանգիր Ասկերովը լքել է Ադրբեջանը՝ ադրբեջանական բանկերից մեկում ունենալով 100 մլն դոլարի չափով ավանդ, տեղեկացրել են տեղական ԶԼՄ-ները, փոխանցում է EADaily-ն:

«Ներկայումս Ասկերովը բնակվում է Իսպանիայում և այդ գումարից ամսական ստանում է 1,2 մլն մանաթի եկամուտ», - հայտնել է աղբյուրը։

Հաղորդվում է՝ ավելի վաղ այդ գումարը ձևակերպվել էր Ջահանգիր Ասկերովի հանգուցյալ կնոջ՝ Զարիֆա Գամզաևայի անունով։ Վերջինիս մահից հետո AZAL-ի նախկին նախագահն այդ միջոցները վերաձևակերպել է իր անունով։