Թուրքիան Օլիմպիական խաղերը կազմակերպելու հայտ է ներկայացրել

Թուրքիան 2020թ.-ի Օլիմպիական և պարալիմպիկ խաղերի անցկացման համար հայտ է ներկայացրել Միջազգային օլիմպիական կոմիտե, տեղեկացնում է Yeni Şafak օնլայն պարբերականը:

Հայտի ներկայացման համար թուրքական պատվիրակությունը մեկնել է Լոզան` «Օլիմպիական խաղերի մայրաքաղաք»: Պատվիարկության կազմում եղել են  Ստամբուլի քաղաքապետ Քադիր Թոփբաշը, Թուրքիայի Օլիմպիական կոմիտեի փոխտնօրեն Հասան Արաթը և Թուրքիայի սպորտի ու երիտասարդության փոխնախարար Յավուզ Չելիքը:

Եթե Ստամբուլը ընտրվի որպես 2020-ի Օլիմպիական խաղերն ընդունող քաղաք, այնտեղ կկառուցվի 25 սպորտային կենտրոն:

Ըստ պարբերականի` այնտեղ արդեն գործում է 11 մարզական համալիր: