Bloomberg․ Թրամփը չի բացառել տարածքային փոխանակման Ռուսաստանի պատրաստակամությունը

 ԱՄՆ նախագահ Դոնալդ Թրամփը, իր դաշնակիցների հետ ունեցած զրույցում, չի բացառել, որ Վլադիմիր Պուտինը կարող է պատրաստ լինել տարածքային փոխանակման՝ որպես Ուկրաինայի հակամարտության կարգավորման ուղի։ Այս մասին հայտնում է Bloomberg-ը՝ հղում անելով սեփական աղբյուրներին։

Հաղորդվում է, որ քննարկումը տեղի է ունեցել Սթիվեն Ուիթքոֆի՝ Մոսկվա կատարած այցից հետո։ Թրամփը դրական է գնահատել հրադադարի հասնելու հեռանկարը և նշել է, որ Ռուսաստանը պատրաստ է խաղաղ բանակցությունների, եթե օրակարգում ներառվի տարածքների շուրջ փոխզիջման հարցը։

Ավելի վաղ Կրեմլի ներկայացուցիչ Յուրի Ուշակովը հայտնել էր, որ Պուտինի և Թրամփի հանդիպումը կարող է կայանալ արդեն հաջորդ շաբաթ։