Apple Watch Ultra-ի էկրանը կդառնա ավելի մեծ

iOS 26-ի վերջին բետա տարբերակում հայտնաբերվել են պատկերներ, որոնք հաստատում են Apple Watch Ultra նոր մոդելի մշակումը: Ինչպես հաղորդում է MacRumors-ի հեղինակ Աարոն Փարիսը, օպերացիոն համակարգի կոդում առկա տեղեկատվությունը նաև ցույց է տալիս, որ նոր ժամացույցը կունենա ցանկացած այլ Apple Watch-ից ավելի մեծ լուծաչափ, և, հետևաբար, էկրանի չափս:

MacRumors-ի հայտնագործության համաձայն՝ ապագա Apple Watch Ultra 3-ը կունենա 422 x 514 պիքսել լուծաչափով էկրան: Համեմատության համար, ներկայիս Apple Watch Ultra 2 մոդելն ունի 410 x 502 պիքսել լուծաչափ: Սա ցույց է տալիս, որ նոր գաջեթը, հավանաբար, կունենա մի փոքր ավելի մեծ էկրան: Միևնույն ժամանակ, ըստ լուրերի, պատյանը կմնա նույնը, և էկրանի մակերեսի մեծացումը կիրականացվի շրջանակների կրճատման միջոցով:

Apple-ը, ինչպես սպասվում է, այս աշնանը կներկայացնի Apple Watch Ultra 3-ը՝ նոր iPhone 17 և Apple Watch Series 11 մոդելների հետ միասին: Ըստ տեղեկությունների՝ ժամացույցի նոր տարբերակը կներառի նաև արբանյակային կապ՝ բջջային կապի բացակայություն ունեցող տարածքներում օգտագործելու համար, ավելի պայծառ էկրան՝ ավելի բարձր թարմացման հաճախականությամբ, նոր չիպ և լրացուցիչ առողջապահական գործառույթներ, այդ թվում՝ արյան ճնշման մոնիթորինգ։

Թարգմանությունը՝