Ռուսաստանի բյուջեի պակասորդը կազմել է 4,88 տրիլիոն ռուբլի՝ գերազանցելով տարեկան ծրագրերը

ՌԴ ֆինանսների նախարարության նախնական գնահատմամբ՝ 2025 թվականի հունվարից հուլիս ընկած ժամանակահատվածում դաշնային բյուջեի պակասորդը կազմել է 4,88 տրիլիոն ռուբլի, կամ ՀՆԱ-ի 2,2 տոկոսը։ Այս ցուցանիշը գերազանցում է օրենքով հաստատված ամբողջ տարվա սահմանաչափը՝ 1,7 տոկոս։

Պակասորդի աճը պայմանավորված է տարվա սկզբին իրականացված ծախսերի ակտիվ ֆինանսավորմամբ, ինչպես նաև նավթագազային եկամուտների նվազմամբ։ Միևնույն ժամանակ, ֆինանսների նախարարությունը վստահեցնում է, որ այդ փոփոխությունները չեն խանգարի բյուջեի կառուցվածքային հավասարակշռության ապահովմանը։

Եկամուտները կազմել են 20,3 տրիլիոն ռուբլի (աճ՝ 2,8%), իսկ ծախսերը՝ 25,2 տրիլիոն (աճ՝ 20,8%)։ Նենավթային եկամուտներն աճել են 14 տոկոսով՝ ցույց տալով կայուն դրական դինամիկա։

Նախագահ Վլադիմիր Պուտինը հունիսին ստորագրել էր 2025 թվականի բյուջեի փոփոխված տարբերակը, որով եկամուտներն իջեցվել էին, իսկ ծախսերը՝ ավելացվել։ Սա նշանակում է՝ ամբողջ տարվա պակասորդը նույնպես կավելանա՝ հասնելով 1,7 տոկոսի ՀՆԱ-ի։