Ֆրանսիայի հարավում մոլեգնում են անտառային հրդեհները

Հրշեջներին հաջողվել է տեղայնացնել Ֆրանսիայի հարավում բռնկված խոշոր անտառային հրդեհը։ Այս մասին օգոստոսի 7-ին հայտնել են ֆրանսիական լրատվամիջոցները՝ վկայակոչելով պաշտոնական տվյալները։

«Հրդեհը վերահսկողության տակ է», - ասվում է X (նախկինում՝ Twitter) սոցիալական ցանցում տեղադրված հաղորդագրության մեջ։

Նշվում է, որ տարհանված բնակիչներին թույլ չեն տալիս վերադառնալ իրենց տները մինչև տարածքը լիովին չուսումնասիրվի։ Հրշեջները շարունակում են աշխատել տարածքում։

Ավելի վաղ BFMTV-ն հայտնել էր, որ Ֆրանսիայում խոշոր հրդեհը 24 ժամվա ընթացքում ավելի քան 16,000 հեկտար բուսականություն է այրել, և դրա հետևանքով մեկ մարդ մահացել է։