ԱՄՆ-ը կվերացնի Բաքվի հետ պաշտպանական համագործակցության սահմանափակումները․ Politico
Համաշխարհային Մամուլ
Հայաստանը համաձայնել է ԱՄՆ-ին 99 տարով շնորհել «Զանգեզուրի միջանցքի» հողերի վրա բացառիկ հատուկ զարգացման իրավունքները։ ԱՄՆ-ն հողը ենթավարձակալության կհանձնի մի կոնսորցիումի, որը կզարգացնի երկաթուղային, նավթային, գազային և օպտիկամանրաթելային գծեր, ինչպես նաև հնարավոր է՝ էլեկտրաէներգիայի փոխանցում 27 մղոնանոց միջանցքի երկայնքով։ Այս մասին գրում է Politico-ն՝ հղում անելով ամերիկացի երեք բարձրաստիճան պաշտոնյաների։
Նշվում է, որ համաձայնագրի շրջանակներում ԱՄՆ-ն բարի կամքի մի քանի ժեստեր կդրսևորի Բաքվի նկատմամբ, որը «մի ժամանակ մտերիմ դաշնակից էր, բայց վերջին տարիներին մերձեցել էր Ռուսաստանի հետ»։
Ըստ Politico-ի՝ ԱՄՆ-ը կվերացնի Բաքվի հետ պաշտպանական համագործակցության սահմանափակումները՝ չեղյալ հայտարարելով անկախությունից անմիջապես հետո ընդունված 907-րդ բանաձևը, որն արգելում էր Ամերիկային ուղղակի օգնություն ցուցաբերել Ադրբեջանին։ Թեև սեպտեմբերի 11-ի ահաբեկչությունից հետո ԱՄՆ նախագահները սառեցնում էին այդ դրույթը, սակայն այն մնում էր Վաշինգտոնի գործիքակազմում, ինչից նախագահ Ալիևը պարբերաբար դժգոհում ու նեղսրտում էր։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
