Թրամփը Պուտինից խլել է նախաձեռնությունը․ BBC

Վաշինգտոնում Ալիև-Փաշինյան հանդիպումը փաստում է՝ Հարավային Կովկասում Ռուսաստանին՝ որպես Լեռնային Ղարաբաղի միանձնյան միջնորդի փոխարինելու է գալիս Ամերիկան: Այս մասին հաղորդում է BBC-ն։

«Թ՛ե Ադրբեջանի նախագահը, թ՛ե Հայաստանի վարչապետը չեն կարողացել հասնել Դոնալդ Թրամփի հետ հանդիպման նրա առաջին նախագահական ժամկետում: Հարավային Կովկասը առաջնահերթություն չդարձավ նաև իր երկրորդ վարչակազմի համար, որն ավելի հավակնոտ խնդիրներ ուներ՝ հաշտեցնել Ռուսաստանը Ուկրաինայի հետ և դադարեցնել պատերազմը Գազայում։ Եվ միայն այն ժամանակ, երբ Թրամփի հիմնական խաղաղապահ ծրագրերը պտուղներ չտվեցին, նա ուշադրություն հրավիրեց հայ-ադրբեջանական հակամարտության վրա, որտեղ ռազմական գործողությունները վաղուց ավարտվել են, և նույնիսկ խաղաղության պայմանագրի տեքստն արդեն կազմվել և համաձայնեցվել է. մնում է միայն ստորագրել:

Բայց բացի հետպատերազմյան պլաններից Ռուսաստանին դուրս մղելու խորհրդանշական հայտարարությունից, Վաշինգտոնի հանդիպման գործնական օգուտներն ակնհայտ չեն։ Ալիևը առաջվա պես պնդում է, որ Հայաստանի Սահմանադրությունը փոխվի խաղաղության պայմանագրի ստորագրումից առաջ։ Որոշ ԶԼՄ-ներում տեղեկություններ են հայտնվել, որ կողմերը փոխզիջման են հասել Ադրբեջանի և Նախիջևանի Ինքնավար Հանրապետության միջև ճանապարհի բացման հարցում, և «Զանգեզուրի միջանցքի» փոխարեն ճանապարհը կմնա Հայաստանի վերահսկողության տակ, բայց կկառավարվի ամերիկյան ընկերության կողմից», - հայտնել է աղբյուրը: