Թրամփն է, որ խաղաղություն է բերում երկու նախկին խորհրդային հանրապետություններին․ Politico

ԱՄՆ նախագահ Դոնալդ Թրամփը համաձայնագիր է ստորագրել Հայաստանի և Ադրբեջանի ղեկավարների հետ բազմամյա ռազմական գործողությունների դադարեցման մասին, ինչը դիվանագիտական հաղթանակ է, որը նաև օգնում է Թրամփին համաշխարհային ասպարեզում իրեն խաղաղարար ներկայացնելու հարցում, գրում Է Politico-ն:

Հայկական սփյուռքյան կազմակերպությունները քննադատել են համաձայնագիրը՝ պնդելով, որ այն խոչընդոտում է կայուն խաղաղության հասնելուն՝ հետաձգելով 2023 թվականին Լեռնային Ղարաբաղից տեղահանված հայերի՝ իրենց տները վերադառնալու իրավունքի քննարկումը, ինչպես նաև ռազմագերիների և տարածաշրջանում հայկական մշակութային օբյեկտների ճակատագրի հարցը։ Սակայն Սպիտակ տունը պնդում է, որ գործարքն, այնուամենայնիվ, ձեռնտու է Երևանին, քանի որ նրան ապահովում է ԱՄՆ-ի և ռազմավարական առևտրային գործընկերոջ աջակցությունը։

Որոշ շրջանակներում հույս ունեն, որ Հայաստանի և Ադրբեջանի միջև հակամարտության ավարտը կօգնի Թրամփին նաև դադարեցնել Ռուսաստանի և Ուկրաինայի միջև պատերազմը: «Ադրբեջանի և Հայաստանի միջև այս գործարքը ճնշում է Պուտինին։ Թրամփն է, որ խաղաղություն է բերում երկու նախկին խորհրդային հանրապետություններին», - հայտնել Է Թրամփի նախկին Ազգային անվտանգության հարցերով խորհրդականի տեղակալը։