Կատարը ողջունել է Հայաստանին և Ադրբեջանին միջև խաղաղության համաձայնագրի նախաստորագրումը

Կատարը ողջունել է ԱՄՆ-ի միջնորդությամբ Հայաստանի և Ադրբեջանի միջև խաղաղության համաձայնագրի նախաստորագրումը: Այս մասին ասվում է Կատարի արտաքին գործերի նախարարության հայտարարության մեջ։

Կատարը հույս է հայտնել, որ համաձայնագիրը երկու երկրների միջև համագործակցության նոր փուլ կհաստատի՝ հիմնված բարիդրացիության սկզբունքների վրա՝ դրանով իսկ կյանքի կոչելով երկու ժողովուրդների՝ խաղաղության, զարգացման և բարգավաճման հասնելու ձգտումները, ինչպես նաև ամրապնդելով տարածաշրջանի կայունությունն ու անվտանգությունը:

Կատարի պետությունը նաև երախտագիտություն է հայտնել Միացյալ Նահանգներին Հայաստանի և Ադրբեջանի միջև համաձայնագրի նախնական ստորագրմանը հասնելու համար գործադրած ջանքերի համար: Պետությունը աջակցում է բոլոր ջանքերին, որոնք ուղղված են լարվածության նվազեցմանը և դիվանագիտական միջոցներով հակամարտությունների կարգավորմանը, ինչպես նաև տարածաշրջանային և միջազգային մակարդակներում խաղաղության, զարգացման և բարգավաճման հիմքերի ամրապնդմանը: