Փորձագետը մեկնաբանել Է Պուտին-Թրամփ հանդիպման մտադրությունը

Ռուսաստանի և ԱՄՆ նախագահներ Վլադիմիր Պուտինն ու Դոնալդ Թրամփը հարգում են միմյանց, դա է վկայում հաջորդ շաբաթ Ալյասկայում հանդիպելու նրանց մտադրությունը: Այս մասին հայտարարել է քաղաքագետ Բիլ Բորումը, փոխանցում է РИА Новости-ն։

«Կարծում եմ, որ հանդիպելու մտադրությունը ցույց է տալիս նախագահների փոխադարձ հարգանքը միմյանց նկատմամբ», - ասել է Բորումը: Նա նշել է՝ երկու առաջնորդների հանդիպումը կնպաստի Ուկրաինայում ռազմական գործողությունների ավարտին, ինչպես նաև հետագայում կհանգեցնի Ուկրաինայի, ԱՄՆ-ի և Ռուսաստանի մասնակցությամբ հանդիպման:

Փորձագետը նաև նշել է՝ Պուտինի և Թրամփի հանդիպումը հիմք կհանդիսանա Մոսկվայի և Վաշինգտոնի միջև դիվանագիտական հարաբերությունների կարգավորման համար: