Մենք Ուկրաինայի մասնատման երկրորդ փորձ թույլ չենք տա․ Զելենսկի

«Կիևը թույլ չի տա Մոսկվային կրկին փորձել մասնատել Ուկրաինայի տարածքները, և պատմությունը ցույց է տալիս, որ Կրեմլի ղեկավարի ախորժակը միայն մեծանում է, եթե փորձում ես դրանք բավարարել. սա արդեն տեղի է ունեցել Ղրիմի և Դոնբասի հետ»,– այս մասին շաբաթ օրը՝ օգոստոսի 9-ին, հայտարարել է Ուկրաինայի նախագահ Վլադիմիր Զելենսկին ժողովրդին ուղղված իր տեսաուղերձում։

Ըստ Ուկրաինայի առաջնորդի՝ Ռուսաստանի նախագահ Վլադիմիր Պուտինը «վախենում է պատժամիջոցներից և ամեն ինչ անում է դրանցից դուրս գալու համար», բայց միևնույն ժամանակ «ցանկանում է պատերազմի դադարը, սպանությունները փոխանակել Ուկրաինայի գրավված շրջանների օկուպացիայի օրինականացման հետ»։ Զելենսկին նշել է, որ  առաջին անգամը չէ, որ դա տեղի է ունենում։

«Նրան թույլ տվեցին վերցնել Ղրիմը, և դա հանգեցրեց Դոնեցկի և Լուգանսկի շրջանների օկուպացիային։ Նա կանխարգելիչ պատիժ չստացավ, երբ մեր սահմաններին զորախումբ հավաքեց. սա հանգեցրեց լայնածավալ պատերազմի և Ուկրաինայի մյուս մասերի օկուպացիային», - ասել է Զելենսկին։

Ուկրաինայի առաջնորդը կոչ է արել չհավատալ Մոսկվայի հայտարարություններին։ «Մեզ պետք չէ սպանությունների դադար, այլ իրական, երկարաժամկետ խաղաղություն», - ընդգծել է նա։ Միևնույն ժամանակ, նման խաղաղությունը պետք է հիմնված լինի «հստակ, հուսալի անվտանգության ճարտարապետության վրա», - նշել է Զելենսկին։ Նրա խոսքով՝ գործընկերները պատրաստ են օգնել Կիևին պաշտպանել իր դիրքորոշումն այս հարցում։