Հայաստանի տարածքային ամբողջականությունը չպետք է խախտվի. իրանցի պատգամավոր

Իրանի համար կարևոր է, որ քաղաքական և աշխարհագրական սահմանները մնան անփոփոխ: Հայտարարել է Իրանի ազգային անվտանգության և արտաքին քաղաքականության խորհրդարանական հանձնաժողովի անդամ Ալաէդդին Բորուջերդին, փոխանցում է ANA-ն։

«Ելնելով դրանից, եթե շահագործման հանձնվի անցակետը, այն որևէ կերպ չպետք է խախտի Հայաստանի տարածքային ամբողջականության կարևոր սկզբունքը։ Կարծում եմ, որ Հայաստանն ինքն ավելի զգայուն է այդ հարցի նկատմամբ, քան ցանկացած այլ երկիր։

Բնականաբար, մենք թույլ չենք տա, որ մեր սահմանամերձ շրջանների անվտանգությունը խաթարվի։ Մենք չենք ընդունում սահմանների ոչ մի աշխարհաքաղաքական փոփոխություն։ Ամերիկացիները ցանկացած համատեքստում սպառնալիք են ներկայացնում տարածաշրջանային անվտանգության համար», - հավելել է իրանցի պատգամավորը։