Որն է Լոնդոնի՝ Պաղեստինի հարցով գաղտնի ծրագիրը․ NYT

Լոնդոնը կես տարի գաղտնի մշակում էր պաղեստինյան հարցի լուծման պլանը և դրանով արդեն կիսել էր դաշնակիցների հետ։ Այս մասին հայտնել է The New York Times թերթը՝ հղում անելով սեփական աղբյուրներին:

Պարբերականի տվյալներով՝ Մեծ Բրիտանիայի վարչապետի անվտանգության հարցերով խորհրդական Ջոնաթան Փաուելը դաշնակիցների շրջանում սկսել է ծրագիր տարածել Նյու Յորքում պաղեստինա-իսրայելական հակամարտության կարգավորմանը նվիրված խորհրդաժողովից մեկ օր առաջ:

Թերթի զրուցակիցների խոսքով՝ պլանը պարունակում է ութ կետ, այդ թվում՝ Գազայում Պաղեստինյան տեխնոկրատական կառավարության ստեղծումը, ինչպես նաև Իսրայելի զորքերի ամբողջական դուրսբերումը և ԱՄՆ-ի ղեկավարությամբ հրադադարի վերահսկողությունը: «Ի վերջո, այս ամենը պետք է հանգեցնի երկու անկախ պետությունների ստեղծմանը», - ասվում է հոդվածում։