Թուրքիան միշտ կլինի Ադրբեջանի կողքին․ Էրդողան
Աշխարհ
Թուրքիայի նախագահ Ռեջեփ Թայիփ Էրդողանը Վաշինգտոնում Ադրբեջանի և Հայաստանի միջև համատեղ հռչակագրի ստորագրումը Հարավային Կովկասում կայուն խաղաղության ապահովման ուղղությամբ պատմական քայլ է անվանել։ Նա այս մասին ասել է իր նախագահությամբ Անկարայում կայացած կառավարության նիստից հետո իր ուղերձում, հայտնում է ՏԱՍՍ–ը։
«Օգոստոսի 8-ին Վաշինգտոնում ձեռք բերված համաձայնագիրը պատմական քայլ էր Հարավային Կովկասում կայուն խաղաղություն հաստատելու ուղղությամբ։ <...> Ես իմ գոհունակությունը հայտնեցի այս ամենի վերաբերյալ իմ եղբորը՝ [Ադրբեջանի նախագահ] Իլհամին [Ալիևին]։ Ես ընդգծեցի, որ Թուրքիան միշտ կլինի Ադրբեջանի կողքին», - ասել է Էրդողանը։
Ըստ նրա, երկուշաբթի օրը նա Վաշինգտոնում ձեռք բերված համաձայնագրերը քննարկել է Հայաստանի վարչապետ Նիկոլ Փաշինյանի հետ։ «Խաղաղ միջավայրի ստեղծումը, ճանապարհների և երկաթուղիների վերականգնումը, սահմանային անցակետերի բացումը և ապրանքների ազատ տեղաշարժի ապահովումը կբխեն մեր տարածաշրջանի բոլոր երկրների շահերից», - նշել է Թուրքիայի առաջնորդը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
