Ռուսաստանը կարող է վերահսկել Ուկրաինայի տարածքի մի մասը․ Ռյուտե

Ալյասկայում օգոստոսի 15-ին նախատեսված Թրամփ-Պուտին հանդիպման բանակցությունները վերաբերելու են ոչ միայն տարածքային հարցերին, այլև անվտանգության երաշխիքներին։ Այս մասին ABC News-ին տված հարցազրույցում հայտարարել է ՆԱՏՕ-ի գլխավոր քարտուղար Մարկ Ռյուտեն։

Նա ընդգծել է, որ Ուկրաինան պետք է մնա ինքնիշխան պետություն և ինքնուրույն որոշի իր աշխարհաքաղաքական ապագան՝ առանց զինված ուժերի թվաքանակի սահմանափակման: ՆԱՏՕ-ն, իր հերթին, չպետք է սահմանափակումներ ունենա արևելյան թևում ներկայության առումով։

Դաշինքի գլխավոր քարտուղարը չի բացառել, որ խաղաղության համաձայնագրում կարող է արտացոլվել Ուկրաինայի տարածքի մի մասի նկատմամբ Ռուսաստանի վերահսկողության դե ֆակտո ճանաչումը, սակայն խոսքը իրավական ճանաչման մասին չէ: