Ինտենսիվ, ամենօրյա աշխատանքի մեջ ենք․ Պապոյանը՝ «Թրամփի ուղու» մասին (տեսանյութ)
ՏեսանյութերՄենք արդեն իսկ երկու հիմնական աշխատանք իրականացրել էինք, գրել է Էկոնոմիկայի նախարար Գևորգ Պապոյանը՝ խոսելով Սյունիքով անցնող «Թրամփի ուղու» մասին։
«Մասնավորապես, «Տետրատեկ» ընկերության հետ էր կառավարությունը համագործակցել, և «Տետրատեկ»-ը, ըստ էության, մեզ ներկայացրել էր Հայաստանի երկաթուղային ցանցի զարգացման հնարավորությունների վերաբերյալ մանրամասն ուսումնասիրություն։ Այո, բավականին ընդգրկուն տեղեկանք էր, որտեղ նշված էր՝ ինչպես կառուցել, որ հատվածները միմյանց հետ կապել, հետագայում ինչպես միանալ արտաքին ճանապարհներին, որ ուղղություններով և այլն։
Դրան զուգահեռ մենք աշխատում էինք նաև «Մաքենզի» ընկերության հետ, իսկ այժմ այդ գործընթացին միացրել ենք նաև Համաշխարհային բանկը։ Հատկապես վերջին զարգացումների համատեքստում, վերջին հանդիպումը ունեցել ենք արդեն ուրբաթ օրը, իսկ այսօր շարունակում ենք այդ աշխատանքները։ Այսինքն՝ մենք ինտենսիվ, ամենօրյա աշխատանքի մեջ ենք, և դա վերաբերում է ավելի հստակ տնտեսական հաշվարկներին։
Խոսքը վերաբերում է, օրինակ, քանի միլիոն տոննա բեռ պետք է անցնի այդ ճանապարհով, այդ բեռի սպասարկման համար ինչ պետք է արվի, ինչքան ներդրում է անհրաժեշտ, և դրանից Հայաստանը ինչպիսի եկամուտներ կարող է ստանալ։ Այս և այլ հարցերի շուրջ հետազոտությունը նոր-նոր է, կարելի է ասել՝ ըստ էության, սկսվում, և բնականաբար այս փուլում ավելի մանրամասն տեղեկատվություն չեմ կարող տրամադրել»,– գրել է նա։
ՈՒՂԻՂ ԵԹԵՐ
Ամենադիտված 
Սամվել Կարապետյանը հանդես կգա ճակատագրական հայտարարությամբ. «Ուժեղ Հայաստան» 
