Եվրոպան պատրաստվում է պատերազմի․ FT

Ուկրաինայում հակամարտության սկսվելուց հետո պաշտպանական ձեռնարկությունները եռապատկվել են՝ հասնելով պատմական մասշտաբի։ Այս մասին հայտնում է Financial Times-ը։

Պարբերականի տվյալներով՝ եվրոպական ռազմական գործարանների ընդհանուր մակերեսը 2020-2021 թվականների 790 հազար քառակուսի մետրից 2024-2025 թվականներին հասել է 2,8 միլիոն քառակուսի մետրի: Նյութի հեղինակներն ընդգծել են՝ արտադրական տարածքների կտրուկ ընդլայնումը վկայում է հնարավոր ռազմական հակամարտությանը Եվրոպայի երկրների նախապատրաստության մասին:

«Սրանք խորը և կառուցվածքային փոփոխություններ են, որոնք վերափոխում են պաշտպանական արդյունաբերությունը միջնաժամկետ և երկարաժամկետ հեռանկարում», - հայտնել է աղբյուրը։