Ռուսաստանը և Պուտինը հաղթել են բոլոր ճակատներում․ Վենեսուելայի նախագահ

Վենեսուելայի նախագահ Նիկոլաս Մադուրոն դեմ է արտահայտվել անկախ երկրների նկատմամբ պատժամիջոցներ սահմանելուն: Նրա խոսքերն է փոխանցում Venezolana de Televisión-ը։

Մադուրոն ընդգծել է՝ Ռուսաստանը և նրա նախագահ Վլադիմիր Պուտինը շահեկան վիճակում են հայտնվել բոլոր ճակատներում: «Ռուսաստանի տնտեսությունը ցուցադրել է բարձր տոկունություն, դիմացել Է պատժամիջոցների հրթիռային հարվածներին և հաղթանակ է տարել», - հայտարարել է նա:

Վենեսուելայի առաջնորդի կարծիքով՝ «Ռուսաստանն ու Պուտինը հաղթել են տնտեսական, զինված, քաղաքական և դիվանագիտական պատերազմում»: