Իրանը երբեք չի ողջունել հարևան երկրներում օտարերկրյա ուժերի հայտնվելը․ Մոհաջերանի

Իրանական որոշ ԶԼՄ-ներում և սոցիալական ցանցերում «Զանգեզուրի միջանցքի» մասին տեղեկատվությունը ներկայացվում է խեղաթյուրված և մեկնաբանվում որպես Իրանի կողմից իր հյուսիսային սահմանների կորուստ: Հայտարարել է Իրանի կառավարության մամուլի քարտուղար Ֆաթիմա Մոհաջերանին, գրում է Nournews-ը։

Նրա խոսքով՝ լայնորեն քննարկվող «Զանգեզուրի» հարցը շոշափում է Իրանի հյուսիսում գտնվող տարածքի միայն մի փոքր մասը։ Նա ընդգծել է՝ Իրանը մեծ ուշադրություն է դարձնում տարածաշրջանում կայունության վերականգնմանը, պետությունների տարածքային ամբողջականության պահպանմանը և նրանց ինքնիշխանության պաշտպանությանը:

Մոհաջերանին հավելել է՝ Իրանը երբեք չի ողջունել հարևան երկրներում օտարերկրյա ուժերի հայտնվելը: Իրավիճակը մշտական հսկողության տակ է։ Լավագույն լուծումը, նրա խոսքով, հենց տարածաշրջանի ուժերի կողմից կայունության ապահովումն է։