ԱՄՆ-ում ընկած երկնաքարը ավելի հին է, քան Երկիր մոլորակը
Աշխարհ
ԱՄՆ Ջորջիա նահանգում հուլիսի 26-ին տան վրա ընկած երկնաքարը, ըստ գիտնականների, ունի մոտ 4,5 միլիարդ տարվա պատմություն, ինչը այն դարձնում է հնագույն՝ անգամ Երկրից հին։ 23 գրամ քաշով այս երկնային մարմինը կոտրել է տան տանիքը և վնասել հատակը։ Հետազոտողները պարզել են, որ այն պատկանում է խոնդրիտների՝ մետեորիտների ամենատարածված տեսակին, և իր քիմիական կազմով լիովին համընկնում է Արեգակի բաղադրությանը։
Գիտական խմբի անդամ Սքոթ Հարրիսի խոսքով՝ երկնաքարը ծագել է Մարսի և Յուպիտերի միջև գտնվող աստերոիդային գոտուց, որը մոտ 470 միլիոն տարի առաջ ձևավորվել է շատ ավելի մեծ աստերոիդի մասնատումից։ Նման փոքր չափի մարմինները սովորաբար մթնոլորտում այրվում են և հազվադեպ են հասնում Երկրի մակերևույթին։
Մասնագետները նախատեսում են մանրակրկիտ ուսումնասիրել մետեորիտը և այն ներկայացնել Ջորջիայի Քարթերսվիլ քաղաքում գործող «Թելլուս» գիտական թանգարանում։ Վերջերս կանադացի գիտնականները հայտնել էին, որ եթե 2024 YR4 անվանումը կրող աստերոիդը բախվի Լուսնին, պայթյունը կարող է ոչնչացնել բազմաթիվ արբանյակներ, հայտնում է Лента.ру-ն:
ՈՒՂԻՂ ԵԹԵՐ
Ամենադիտված 
Եկեղեցու դեմ արշավին միացած մոլի նիկոլականը, պարզվում է. Ռոսիա մոլի աշխատակից է
