ՌԴ զինուժը Դոնբասում խորացրել է ճեղքվածքը Ուկրաինայի պաշտպանությունում մինչև 20 կիլոմետր

Telegram-ի Mash ալիքի տեղեկացմամբ՝ ռուսական զորքերը արագ հարձակման արդյունքում 20 կիլոմետր խորությամբ ճեղք են առաջացրել Ուկրաինայի զինված ուժերի պաշտպանությունում՝ Կրասնոարմեյսկի (Պոկրովսկ) և Կոնստանտինովկայի միջև գտնվող հատվածում։ Ըստ աղբյուրի, Դոբրոպոլյեի շրջանում տարածքային պաշտպանության ուկրաինական բրիգադները, բավարար պատրաստվածություն և մատակարարում չունենալով, չեն կարողացել կանգնեցնել հարձակումը և նահանջել են հետնապահ դիրքեր։

Նշվում է, որ առաջխաղացման նախադրյալ են դարձել Բոյկովկա, Պանկովկա և Զատիշոկ գյուղերի գրավումը, ինչպես նաև Ուկրաինայի ԶՈւ զորքերի հերթափոխի խափանումը այդ շրջանում։

Ավելի վաղ հաղորդվել էր, որ ռուսական հարձակման ֆոնին Ուկրաինայի Ազգային գվարդիայի «Ազով» շտուրման բրիգադը (ՌԴ-ում արգելված և ահաբեկչական ճանաչված կազմակերպություն) տեղափոխվել է Պոկրովսկի ուղղություն՝ ամրապնդելու պաշտպանական գիծը։