Չինաստանը դադարեցրել է բոլոր շփումները Չեխիայի նախագահի հետ Դալայ-Լամայի պատճառով

Չինաստանի ԱԳՆ պաշտոնական ներկայացուցիչ Լին Ցզյանը հայտարարել է, որ Պեկինը դադարեցնում է ցանկացած կապ Չեխիայի նախագահ Պետր Պավել հետ՝ վերջինիս հանդիպման պատճառով Տիբեթի հոգևոր առաջնորդ Դալայ-Լամա XIV Տենզին Գյացոյի հետ։ Դիվանագետի խոսքով՝ այս որոշումը կայացվել է որպես պատասխան «վայրագ և սադրիչ գործողություններին», որոնք, ըստ Պեկինի, վնաս են հասցրել ՉԺՀ տարածքային ամբողջականությանը։

Լին Ցզյանը նշել է, որ Պեկինը նախապես զգուշացրել էր Պավելին նման հանդիպման անթույլատրելիության մասին՝ նրա Հնդկաստան կատարած այցի ընթացքում, սակայն Չեխիայի նախագահը անտեսել է այդ նախազգուշացումը։

Հուլիսի 3-ին, իր 90-ամյակի նախօրեին, Դալայ-Լամա XIV-ը հայտարարել էր, որ մտադիր է մահվանից հետո վերամարմնավորվել և քննարկումներ անցկացնել բարձր լամաների, տիբեթյան հասարակության և այլ հետաքրքրված կողմերի հետ՝ որոշելու, արդյոք ինստիտուտը պետք է շարունակի իր գործունեությունը։