ՌԴ-ում բենզինի բորսայական գինը հասել է նոր ռեկորդի

Օգոստոսի 12-ին Պետերբուրգի բորսայում ԱԻ-95 տեսակի բենզինի գինը հասել է 80 510 ռուբլու մեկ տոնի համար՝ սահմանելով նոր պատմական ռեկորդ։ ԱԻ-92-ը նույնպես թանկացել է՝ հասնելով 70 484 ռուբլու, ինչը ընդամենը 24 ռուբլով պակաս է 2023-ի սեպտեմբերին գրանցված առավելագույն արժեքից։ Այս ամռանը բենզինի գներն աճել են մոտ մեկ երրորդով, իսկ տարվա սկզբից՝ մեկուկես անգամ։

Գների աճի հիմնական պատճառներն են նավթավերամշակող գործարաններում երկարաձգված պլանային վերանորոգումները, որոնք կրճատել են առաջարկը՝ համընկնելով ավանդական ամառային բարձր պահանջարկի հետ։ Վերջին շաբաթներին իրավիճակը ևս սրվել է՝ ռուսական նավթային ձեռնարկությունների դեմ անօդաչուների հարձակումների պատճառով, ինչի հետևանքով մի շարք գործարաններ ստիպված են եղել անցնել շտապ վերանորոգման և կրճատել արտադրանքը։

Չնայած օգոստոսի 1-ից բենզինի արտահանման արգելքին, գները չեն նվազել։ Retail շուկայում բենզինը թանկանում է ավելի արագ, քան ընդհանուր գնաճը, և վառելիքի վաճառքը որոշ ԱԳԶԿ-ներում դարձել է վնասաբեր։ Օգոստոսի 14-ին էներգետիկայի հարցերով փոխվարչապետ Ալեքսանդր Նովակը կհավաքի խոշոր նավթային ընկերությունների ներկայացուցիչների՝ քննարկելու գների հետագա աճը կանխելու միջոցները։