Գիտնականը բացատրել է Բերմուդյան եռանկյունու գաղտնիքը

Ավստրալացի հետազոտող Կառլ Կրուշելնիցկին հայտարարել է, որ բացատրություն է գտել Բերմուդյան եռանկյունու ֆենոմենի համար: Այս մասին հայտնում է Popular Mechanics ամսագիրը։

Նրա կարծիքով՝ այս տարածաշրջանում նավերի և ինքնաթիռների անհետացման մեջ առեղծվածային ոչինչ չկա, այնտեղ կորած նավերի և ինքնաթիռների բաժինը չի տարբերվում համաշխարհային օվկիանոսի մյուս շրջանների միջին վիճակագրական ցուցանիշներից: Գիտնականը չի հերքել՝ Բերմուդյան եռանկյունում ինքնաթիռների վթարները և նավաբեկությունները պարբերաբար տեղի են ունենում, սակայն դրանք պայմանավորված են այդ գոտում երթևեկության բարձր ինտենսիվությամբ:

Բերմուդյան եռանկյունին Ատլանտյան օվկիանոսի մի տարածք է, որը սահմանափակված է Ֆլորիդայով, Բերմուդայով և Պուերտո Ռիկոյով: Բերմուդյան եռանկյունին գտնվում է Ատլանտյան օվկիանոսում։ Ըստ տարածված կարծիքի՝ այդ տարածքում անբացատրելի հաճախականությամբ անհետանում են ինքնաթիռներն ու ծովային նավերը։ Ամենահայտնի դեպքը 1945 թվականին ամերիկյան հինգ ռմբակոծիչների անհետացումն է։