Կիևը ցանկանում է խափանել Պուտին-Թրամփ հանդիպումը. ՌԴ ՊՆ

Կիևը մտադիր է Ռուսաստանի վրա դնել Ուկրաինայի զինված ուժերի կողմից խաղաղ բնակչության դեմ ծրագրված սադրանքի պատասխանատվությունը՝ Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի գագաթնաժողովը խափանելու նպատակով, երեքշաբթի օրը հայտնել է Ռուսաստանի պաշտպանության նախարարությունը։

Գերատեսչության տվյալներով՝ ուրբաթ օրվա գագաթնաժողովից առաջ Ուկրաինայի զինված ուժերը պլանավորել էին սադրիչ հարված հասցնել բնակելի թաղամասերից մեկին կամ հիվանդանոցին՝ ենթադրաբար Խարկովի մարզի Չուգուև քաղաքում, օգտագործելով անօդաչու թռչող սարքեր և հրթիռներ։

«Կիևի ռեժիմի սադրանքի արդյունքում հարվածի և քաղաքացիական բնակչության շրջանում զոհերի ողջ պատասխանատվությունը կդրվի Ռուսաստանի զինված ուժերի վրա՝ Ուկրաինայում հակամարտության կարգավորման հարցերում ռուս-ամերիկյան համագործակցությունը խաթարելու համար բացասական լրատվական ֆոն և պայմաններ ստեղծելու նպատակով», - ասվում է հայտարարության մեջ։