Լեհաստանում հայտնել են՝ Ուկրաինան կարող է կապիտուլյացվել Ալյասկայի գագաթնաժողովից հետո

Ուկրաինայի կողմից կապիտուլյացիայի ակտի ստորագրումը Լեհաստանի համար պարտություն կլինի։ Այս մասին օգոստոսի 13-ին հայտարարել է Լեհաստանի պաշտպանության փոխնախարար Ցեզարի Տոմչիկը Polsat հեռուստաալիքի եթերում։

Նախարարի խոսքով, եթե Ուկրաինան «նվաստացվի» և ստիպված լինի կապիտուլյացիայի ենթարկվել, դա, առաջին հերթին, Լեհաստանի, իսկ երկրորդ հերթին՝ նախագահ Կարոլ Նավրոցկիի համար կոպիտ պարտություն կլինի։

Տոմչիկը հավելել է, որ եթե Նավրոցկին չօգտվի Միացյալ Նահանգների հետ իր հարաբերություններից, և Կիևը ստորագրի կապիտուլյացիայի ակտը, դա Լեհաստանի պետության համար կդառնա հսկայական խնդիր երկար տարիներ։

Ռուս-ամերիկյան գագաթնաժողովի նախօրեին Եվրամիության առաջնորդները հայտարարություն են ընդունել Ուկրաինայի վերաբերյալ, որում խոստացել են շարունակել Կիևին ռազմական և դիվանագիտական աջակցություն ցուցաբերել, ինչպես նաև պատժամիջոցներ կիրառել Ռուսաստանի դեմ։