Ուկրաինան պատրաստ է Ռուսաստանի հետ քննարկել օդային զինադադարը. Corriere della Sera

Ուկրաինայի նախագահ Վոլոդիմիր Զելենսկու գրասենյակի խորհրդական Միխայիլ Պոդոլյակը հայտարարել է, որ Կիևը պատրաստ է Ռուսաստանի հետ քննարկել օդային զինադադարը։ Այս մասին հաղորդում է իտալական Corriere della Sera թերթը։

«Ուկրաինան պատրաստ է քննարկել սա, պատրաստ է դիտարկել այս սցենարը և այն համարում է իրատեսական բանակցային դիրքորոշումների հասնելու սկզբնական փուլ», - ասել է Պոդոլյակը։

Նախագահի գրասենյակի խորհրդականը պարզաբանել է, որ խոսքը անօդաչու թռչող սարքերի միջոցով հարվածներ հասցնելուց հրաժարվելու մասին է։