Նեթանյահուն իրանցիներին կոչ է արել բողոքի ցույցեր անել՝ փոխարենն առաջարկելով ջրի մաքրման տեխնոլոգիաներ տրամադրել

Իսրայելի վարչապետ Բենիամին Նեթանյահուն տեսաուղերձով դիմել է Իրանի քաղաքացիներին՝ օգնություն առաջարկելով  քաղաքական փոփոխությունների դեպքում ջրամատակարարման խնդիրների լուծման գործում: Տեսագրությունը հրապարակվել է Իսրայելի վարչապետի պաշտոնական YouTube ալիքում։

Իր ելույթում Նեթանյահուն ասել է, որ Իրանի իշխանությունները «պարտվել են Տասներկուօրյա պատերազմում» Իսրայելի հետ և սահմանափակում են քաղաքացիների իրավունքները։

«Երբ Իրանը ազատ դառնա, մեր մասնագետները ջրի մաքրման տեխնոլոգիաներ կբերեն ձեր երկրի յուրաքանչյուր քաղաք։Դուրս եկեք փողոց: Պահանջեք փոփոխություններ: Այն արժե դրան», - ասել է Նեթանյահուն։