ՌԴ ԱԳՆ-ն մեղադրել է Եվրոպային Ուկրաինայում Ռուսաստանի և ԱՄՆ-ի խաղաղության ջանքերը սաբոտաժի ենթարկելու մեջ

Եվրոպական առաջնորդների և Կիևի հանդիպումը, որը նվիրված էր Ուկրաինայում հակամարտության կարգավորման քննարկմանը, «քաղաքականապես և գործնականում աննշան գործողություն է»։ Այս մասին հայտարարել է Ռուսաստանի արտաքին գործերի նախարարությունը, հաղորդում է ՌԻԱ Նովոստին։

Արտգործնախարարությունը ընդգծել է, որ Եվրամիությունը փաստացի խաթարում է Ռուսաստանի և Միացյալ Նահանգների խաղաղության ջանքերը Ուկրաինայում։

Ավելի վաղ Bild-ը հայտնել է, որ օգոստոսի 13-ին Վոլոդիմիր Զելենսկին կժամանի Բեռլին, որտեղ Ֆրիդրիխ Մերցի հետ միասին կմասնակցի ԱՄՆ նախագահ Դոնալդ Թրամփի հետ տեսակոնֆերանսի Գերմանիայի կանցլերությունում: Հրատարակությունը նշում է, որ Մերցը կազմակերպում է բանակցություններ Ռուսաստանի նախագահ Վլադիմիր Պուտինի և Թրամփի միջև օգոստոսի 15-ին նախատեսված հանդիպմանն ընդառաջ։

Տեսաժողովին կմասնակցեն նաև ՆԱՏՕ-ի գլխավոր քարտուղար Մարկ Ռյուտեն, ԱՄՆ փոխնախագահ Ջեյ Դի Վենսը, Ֆրանսիայի նախագահ Էմանուել Մակրոնը, Մեծ Բրիտանիայի վարչապետ Քեյր Սթարմերը, ինչպես նաև Իտալիայի, Լեհաստանի և Ֆինլանդիայի կառավարությունների ղեկավարները։