Ռուսաստանում Max մեսենջերի պաշտոնական գործարկումը նախատեսված է աշնան սկզբին

VK ընկերության փոխնախագահ Ալեքսանդր Մորոզովը հայտարարել է, որ ազգային Max մեսենջերը կլքի բետա-փուլը և կգործարկվի պաշտոնապես այս աշնան սկզբին։ Նրա խոսքով՝ նախատեսվում է նաև հարթակի մանրամասն ներկայացում։

Ավելի վաղ հաղորդվել էր, որ Max-ը համաձայնեցրել է Ռուսաստանի անվտանգության դաշնային ծառայության (ՖՍԲ) բոլոր պահանջները՝ «Պետծառայությունների» (Госуслуги) համակարգի հետ աշխատելու համար։ Ռուսաստանի թվային զարգացման նախարար Մաքսուտ Շադաևն ընդգծել է, որ անհրաժեշտ բոլոր թույլտվությունները ստացված են։

Իրավաբան Ալեքսանդր Համինսկու տվյալներով՝ սեպտեմբերի 1-ից Max մեսենջերը կսկսեն նախապես տեղադրել սմարթֆոններում՝ համաձայն դաշնային օրենքի։ Max-ի բետա-տարբերակը գործարկվել էր մարտին։