ՀԱՀ ավտոարդյունաբերությունը տուժում է փակվող ընկերություններից և հազարավոր աշխատանքային կորուստներից

Հարավաֆրիկյան Հանրապետության ավտոարտադրության ոլորտում վերջին երկու տարում փակվել է 12 ընկերություն և կորցվել է ավելի քան 4 հազար աշխատատեղ։ Առևտրի նախարար Պարկս Թաուի խոսքով՝ պատճառներն են տեղական արտադրության ցածր վաճառքները, ներմուծումների աճը և տեղայնացման ցածր մակարդակը։

Նախարարի տվյալներով՝ 2024 թվականին ՀԱՀ-ում վաճառվել է 515,850 տեղական արտադրության մեքենա, ինչը զգալիորեն պակաս է 2035 թվականի զարգացման ծրագրով նախատեսված 784,509-ից։ Վաճառվող մեքենաների շուրջ 64%-ը ներմուծված է, իսկ տեղայնացման մակարդակը կանգ է առել 39%-ի վրա՝ հեռու 60%-ի նպատակից։ Բացի այդ, ապրիլից ԱՄՆ-ի սահմանած մաքսատուրքերն արդեն հարվածում են երկրի 28,7 միլիարդ ռանդի ($1,64 միլիարդ) ավտոմեքենաների և պահեստամասերի արտահանմանը։

Նախարար Թաուն ընդգծել է, որ տեղայնացման ընդամենը 5% բարձրացումը կարող է բացել 30 միլիարդ ռանդի նոր գնումների հնարավորություն՝ զգալիորեն գերազանցելով ԱՄՆ արտահանման ներկայիս ծավալները։ Խոշոր միջազգային արտադրողներ՝ Stellantis-ը և Չինաստանի Chery-ն, արդեն հետաքրքրված են ՀԱՀ-ում տեղական արտադրության հիմնումով, իսկ Stellantis-ը պատրաստվում է գործարան կառուցել Արևելյան Կեյփ նահանգում,  հայտնում է Reuters-ը։