Հատուկ ռազմական գործողության մասնակիցները տեսաուղերձով կոչ են արել արգելել աբորտները Ռուսաստանում

Ռուսաստանի հատուկ ռազմական գործողության (ՍВО) հինգ զինվորականներ, զինվորական համազգեստով, փակված դեմքերով և զենքով, տեսաուղերձ են հղել ռուս պատգամավորներին և պաշտոնյաներին՝ պահանջելով արգելել աբորտները երկրում։ Նրանց խոսքով՝ պետության անգործության պայմաններում Ռուսաստանում «միլիոնավոր երեխաներ են սպանվում աբորտների միջոցով»։ Նրանք մեղադրել են պաշտոնյաներին և օրենսդիրներին «մասսայական մանկասպանությունը» հանդուրժելու մեջ և հայտարարել, որ սա հանգեցնում է երկրի բնիկ բնակչության թվաքանակի նվազմանը և արտագնա բնակչության ներհոսքին։

Զինվորականները պահանջել են անհապաղ դադարեցնել «Ռուսաստանի ոչնչացմանը նպաստող» այս գործընթացը և պատասխանատվության ենթարկել մեղավորներին։ Տեսաուղերձում առանձնապես հիշատակվել է ակադեմիկոս Գենադի Սուխիխը՝ որպես աբորտների օրինականացման և կիրառման մասնագետ, ում գործունեությունը, ըստ հեղինակների, նպաստում է «մանկասպանությանը», գրում է  Лента.ру-ն։

Վերջին շրջանում Ռուսաստանում ակտիվացել են քննարկումները աբորտների սահմանափակման շուրջ։ Մի շարք շրջաններում արդեն ներդրվել են սահմանափակող միջոցառումներ և տուգանքներ, մասնավորապես՝ Սանկտ Պետերբուրգում հունիսից սահմանվել են տուգանքներ աբորտի դրդման համար՝ սկսած 3000 ռուբլուց ֆիզիկական անձանց համար և 13 հազարից՝ կազմակերպությունների համար։ Բացի այդ, մասնավոր կլինիկաներում աբորտների իրականացումը սահմանափակվել է։ Վարչապետի տեղակալ Տատյանա Գոլիկովայի տվյալներով՝ 2024 թվականին աբորտից հրաժարված կանանց թիվը աճել է մինչև մոտ 25 տոկոս, ինչի արդյունքում ծնվել է շուրջ 42 հազար երեխա։